|
D (Dâl) KĀFİYESİ Ders-i men arefe kitâb-ı hikmet Muhammed’dir kerem-kâni Muhammed Muhammed’e oldu hitâb-ı hikmet Muhammed’dir kerem-kâni Muhammed Zâtına kuruldu kürsî-i Levlâk Kuruldu kürsîde sultân-ı emlâk Kaldılar hayretde ashâb-ı eflâk Muhammed’dir kerem-kâni Muhammed Deryâ-yı meârif dürdânesidir Şem‘a-i cemâlin pervânesidir Enbiyâullahın merdânesidir Muhammed’dir kerem-kâni Muhammed Sübhânellezîdir sırr-ı Mîrâc’ı Kul kefâdan olmuş başının tâcı Mihr-i izzet bezm-i vahdet sirâcı Muhammed’dir kerem-kâni Muhammed 5 Dergâh-ı Hudâ’dır rahmet-i Rahmân Zât-ı Muhammed’dir merkez-i ihsân Gönderdi bir Allah âleme sultân Muhammed’dir kerem-kâni Muhammed Yüzü yerde LUTFÎ merhamet gözler Bu dergâhe karşu yerdedir yüzler Aman yâ Muhammed dillerde sözler Muhammed’dir kerem-kâni Muhammed 11’li hece vezni 77 1 Gönül diyâr-ı hasretde eder bülbül gibi feryâd Bu zîr-i bâr-ı mihnetde eder feryâdını mûtâd 140 Cüdâ düşmüş diyârından dûr olmuş nazlı yârından Ciğergâhı âteş almış kerem-şândan umar imdâd Meğer bir merhamet ede kerem-rû şâhid-i kudsî Nazar-endâz ola dildâr aça bendin ede âzâd Cemâlin cîmini perde edüp cemâline cânân Aça perdesini yüzden ede âşıkların dilşâd 5 Der-i dergâh-ı dildâre varan bâd-ı sabâdan sor Nice cân-dâde serbâzlar ciğerden eyler istimdâd Vere kurb-i civârında o meh-rû gülbe-i ahzân Sebeb-i vuslata hûn-rîz olan gözü eder irşâd Mükedder olma ey LUTFÎ bu çarhın rûzigârından Anadan babadan erham olan Allah eder imdâd Me fâ‘ î lün / Me fâ‘ î lün / Me fâ‘ î lün / Me fâ‘ î lün 78 1 Arş’da okunur medh-i muallâ-yı Muhammed Kürsî-i Kerîm’de çalınur nây-i Muhammed Meddâhı ki Allah ola bir Zât-ı Kerîm’in Takdîr ola mı kıymet-i vâlâ-yı Muhammed Nûrullah ola hilkat-i aslı ne keremdir Arş-ı mehâsin rûy-i mücellâ-yı Muhammed Dergâh-ı Hudâ mâden-i hikmet o kerem-kân Arş ulaşamaz kāmet-i bâlâ-yı Muhammed 5 Bir zât-ı kerîm hulk-i azîm me’haz-i hikmet Mir’ât-ı hüdâ vech-i muzayyâ-yı Muhammed LUTFÎ yere yüz koy o kerem-kânına yalvar Pâyânı mı var bahşîş-i deryâ-yı Muhammed Mef ‘û lü / Me fâ ‘î lü / Me fâ ‘î lü / Fe ‘û lün 141 79 1 Her kim ki olur iş bu cihân yâr-i Muhammed Elbette olur uhrâda ol câr-i Muhammed Muhabbet-i Muhammed ile eyleyen ülfet Cennetde olur cânına dildâr Muhammed Her kim ki eder cânını Muhammed’e kurbân Gönlünde biter gül gibi gülzâr-ı Muhammed Feryâda gelir vakt-i seher âşık-ı dilbend Mâşûkuna karşı cân olur gār-ı Muhammed 5 LUTFÎ gibi dil-hastelere rahmede Mevlâ Kabûl ede bu ümmeti bâ-zâr-ı Muhammed Mef ‘û lü / Me fâ ‘î lü / Me fâ ‘î lü / Fe ‘û lün 80 1 Dervîş gel nâr-ı aşka yan Envâr-ı tevhîde boyan Esrâr-ı ezkâr ile kan Allah de gafletden uyan Kâmil olur dîn ü îmân Allah Vâhid Ehad Samed Halka-i Pîr-i Geylânî Mahzen-i nûr-i Rabbânî Bahş eder zikr-i sultânî Kâmil eder pîr insânı İkmâl eder her noksânı Allah Vâhid Ehad Samed Halka-i Pîr-i Bağdâdî Cem eder ebdâl evtâdı Kurmuş evreng-i irşâdı Da‘vet-i Hakk’a ibâdı Cân u dilinde mûtâdı Allah Vâhid Ehad Samed 142 Kādirîlerin edâsı Arşa çıkar her sadâsı Darb-ı zikirdir binâsı Keşf olur müşkil mânâsı Dervîşlerin âşinâsı Allah Vâhid Ehad Samed 5 Pîr-i Bağdad’ın gülleri Dervîşlerdir bülbülleri Salındıkça sünbülleri Zikreder mey ü mülleri Budur ezkâr-ı dilleri Allah Vâhid Ehad Samed Evliyâların sultânı Etkıyâların burhânı Okudur ilm ü irfânı Neşr eder feyz-i Rabbânî Evrâd-ı Pîr-i Geylânî Allah Vâhid Ehad Samed Şems-i mârifet pîrimiz Tarîkatde rehberimiz Gönüllerde enverimiz Dü-cihân dest-gîrimiz LUTFÎ Hak’dan tezkîrimiz Allah Vâhid Ehad Samed
|