|
Z (Dad) KĀFİYESİ İlm-i esmâdan mücerred bir müsemmâdır garaz Hikmet-i hukm-i Hakîm’den memnu‘ olmuşdur süâl Hall-i müşkil eyleyen fehm-i muammâdır garaz Katreler deryâ olur her zerreden bir gün doğar Arş-ı dilde ârife mihr-i tecellâdır garaz Ârifâne cân gözüyle kâinâtı seyr kıl Kalb ola mir’ât-ı vahdet nûr-i Mevlâ’dır garaz 5 İmtihân meydânına merdâne girdi merd olan Zevk ile sabrında sâbit âl-i Zehrâ’dır garaz İhtiyârın elde varken dut şerîat dâmenin Hikmet-i hukm-i kitâbdan zevk-ı mânâdır garaz Mekteb-i ilm-i ledünnîdir bu âlem ser-te-ser LUTFİYÂ nûr-i hüdâ Hakk’ı temennâdır garaz Fâ ‘i lâ tün / Fâ ‘i lâ tün / Fâ ‘i lâ tün / Fâ ‘i lün 304 1 Hubb-i Mevlâ bulmak ister seyr-i Leylâ’dan garaz Hûş-mendân olmak ister Kays-ı şeydâdan garaz Âb-ı hayvân mürdeye cân vermeğe olmuş sebeb Dem-i Îsâ almak ister mürde ihyâdan garaz Ârifin gönlü gülistândır gülistan istemez Bûy-i cânân gelmek ister verd-i hamrâdan garaz Âşıkān her çend müştâkı cemâl-i dilberin Mihr-i bâkî görmek ister rûy-i rânâdan garaz 293 5 LUTFİYÂ dârü’l-emân meyhânedir dergâhımız Mey-i mânâ içmek ister hamr-i mânâdan garaz Fâ ‘i lâ tün / Fâ ‘i lâ tün / Fâ ‘i lâ tün / Fâ ‘i lün 305 1 Sırr-ı tevhîd seyridir bak mevc-i ummândan garaz Zevk-ı dil bulmaktır ancak kesb-i irfândan garaz Bu Kitâbullah bize bildirdi Hakk’ın emrini Bir hayât-ı câvidândır emr ü fermândan garaz İhtiyârsız gönlümü verdim güzeller şâhına Kim eder bu zevkı ihsân seyr-i hûbândan garaz Ya Bâyezîd-i zemân yâhut Cüneyd-i âlî-şân Yüz yere koymak gerekdir şâh-ı devrândan garaz 5 LUTFİYÂ ger dilberi dilde dilersen çek elin Hubb-i mâsivâyı terk et lübb-i ihsândan garaz
|
