|
‘ÂŞIK MIDUR OL MA'ŞÛK İÇÜN VİRMEYE CÂNI
‘Âşık mıdur ol ma'şûk içün virmeye cânı
‘Âkil midür ol dünyeyile isteye anı
Âdem midür ol ‘ömrini kullıkda geçürmez
‘Ârif midür ol anlamaya sûd u ziyânı
‘Âlim midür ol ‘ilmine lâyık ‘ameli yok
Câhil midür ol ‘ışka sata iki cihânı
‘Âbid midür ol işlemedi tâ‘at u ihlâs
Fâsık dimenüz kendözini suçlu bileni
Esrik midür ol kadehi nûş itmedi dostdan
İyü dimenüz gafletile nefse uyanı
Gönül midür ol hikmeti kılmadı tefekkür
Yâ göz midür ol yaş yirine dökmeye kanı
Miskîn Yûnus'un ser-mâyesi yokdur İlâhî
İllâ sevicidür seni ‘ışkıyile seveni
|
