|
BİR YÜZÜNÜ GÖREN KİŞİ SENÜN GİBİ BULMAYISAR
Bir yüzünü gören kişi senün gibi bulmayısar
Seni seven sevdasiyle kendözüne gelmeyiser
Seni seven n’ider işi dün gün akar gözi yaşı
Şeyhim seni gören kişi niçün deli olmayısar
Her kimse kim gördi seni avaredür dün ü güni
Ol derde bırakdın anı kim hergiz onılmayısar
Derdin senin câna rahat senin sözün kand ü nebat
Vaslın senin âb-ı hayat içen anı ölmeyiser
Nurdan yaratmış zatını ana layık suretini
Paşam senin sıfatını kimseler bilmeyiser
Senin gibi kim olısar senin gibi kim bulısar
Kadrin senin kim biliser sensiz gönül gülmeyiser
Kimse senden cüdâ olup hasretinden şeyda olup
Derdin anda peyda olup rengi nite solmayısar
Kim ki sana âşık olup âşıklığı bayık olup
Nite içi göyünmeyüp gözleri kan dolmayısar
Âşık yürür şuri-y-ile eğlenemez hûri-y-ile
Yunus âşkın nûri-y-ile esridi hodd bilmeyiser
|
