|
YARATTIN CÜMLE MİLLETİ BÎ ŞEK SENİ BİLMEK İÇÜN
Yarattın cümle milleti bî şek seni bilmek içün
Halk eger ki öyle sanur uyanuben gelmek içün
Surete sen verdin cânı hem verdin din ü imanı
Verdin hem de şol Kur’an’ı buyrukların bilmek içün
Buyruğuni bilen kişi kabuldürür onun işi
Dün gün taatdır teşvişi anda didar görmek içün
Buyruğuni anlamayan hergiz nolasın bilmeyen
Tutmuş şeytan eteğini iblise yâr olmak içün
Kend’özüni ucuz satar gelür birliğe el katar
Sabr ipini derviş tutar nefs ayağın tutmak içün
Yunus imdi anla sözün kem bahaya sat kend’özin
Dost yüzünden ırma gözün gayri ma’il olmak içün
|
