|
YA İLAHİ ŞOL GÖNÜLDE ÂŞKI SULTAN EYLEDİN
Ya ilahi şol gönülde âşkı sultan eyledin
Akıbet mahmur idüben kâmil insan eyledin
Ol senin yolunda dâim cânını terk idenin
Ana dostum deyüb adın ehl-i irfan eyledin
Her kime kahreyledin sürdün kapundan Rabbena
Lânet idüb git didin yerini zindan eyledin
Bir kulun suç işleyüb tamam üçyüz yıl ağladı
Yine kıldın tevbesin makbul-ü handan eyledin
Bir kulun çekti muhalifler elinden çok cefâ
İşbu dünyayı duâsı ile tufan eyledin
Bir kulunu oda attırdın elin bağlayuben
Lütfu ihsan eyleyüb odi gülistan eyledin
Bir kuluna gel deyüb âşkımda kurban ol didin
Fazlın ile gönderüben koçi kurban eyledin
Kani Yakub ağlamakdan gitti iki gözleri
Gice gündüz gülmeyüben zari giryân eyledin
Bir kuluni Mısr içinde habs idüb kıldın zelil
Sonra şâd idüm Mısır tahtına sultan eyledin
Bir kulunun cesedine kurtlar düşüben idi
Bir kuluına bir balık karnını zindan eyledin
Bir kuluni fakr odiyle dünyada yaktın tamam
Birine mülkin virüben hem Süleyman eyledin
Bir kuluna Tur Dağına gel didin kıldın kelim
Bir asâ virdin eline anı su’ban eyledin
Bir kulunun adını koydun Muhammed Musdafa
Arş’a basdırdın anı mahbub-i Rahman eyledin
Vuslatın huni ile toyladın anı Rabbena
Âleme rahmet kıluben mest ü hayran eyledin
Çok ‘edâlar kıldın anda hub cemâlin gösterüb
Fazlın ile âsiler derdine dermân eyledin
Başına urdun se’adet tacıni ol serverin
Ehl-i imân olanın cânına cânan eyledin
Kimisi küfr ile gitti bunda zühdüm var diyen
Kimisi kâfir iken sünni Müslüman eyledin
Enbiyâ ve evliyâ gülmediler bu dünyada
Geçti mihnetle bular vasfını destân eyledin
Bunları güldürmedin bu dünyada ya Rabbena
Gözleri yaşı akub halin perişan eyledin
Yunus sen rahmet itgil ya Kerim u ya Rahîm
Çün ki ana dünyada İslamı ihsân eyledin
|
