1. Ayağ-ı hâtır-efzâyı mey-i gül-fâma uğratdum
Düşe kalka dil-i mahmûrı bezm-i câma uğratdum
2. Dil-i ser-geşteyi ber-kâm-ı baht-ı mun'akis-etvâr
Lebinden merhabâ-cûyân iken düşnâma uğratdum
3. Keşîde kıldı hakkâk-ı zamâne şerha-i gamdan
Nigîn-i hâtırı hayfâ ki kayd-ı nâma uğratdum
4. Kemend-i vahşî-gîr itdim niyâz-ı hasret-âmîzi
O âhû-beçeyi râm eyledim ibrâma uğratdum
5. Nigeh düşdi hat-ı nev-hîze gül-geşt-i cemâlinde
Temâşâ eyleyüp Rûm'ı güzâr-ı Şâm'a uğratdum
6. İlişdim vasf-ı gîsûda iderken hâlini ta'rîf
Ümîd-i dâne itdim mürg-i tab'ım dâma uğratdum
7. Temalluk eyleyüp geldi o şûha kâm-cûyâne
Kapu itdim rakîb-i kâfiri bed-kâma uğratdum
8. Dolaşdı kaldı dolâb-ı firîb-i sâde-rûyâne
Dil-i ser-geşteyi seyrân-geh-i bayrama uğratdum
9. Nuhüstîn hatvede aldım egerçi ögdül-i nazmı
Ma'ârif-gehde Hâzık esb-i tab'ım hâme uğratdum
1. Gönül ferahlatan kadehi gül renkli şaraba uğrattım;
Düşe kalka mahmur gönlü şarap meclisine uğrattım.
2. Başı dönmüş gönlü, aksi huylu talihin arzusu üzerine;
Onun dudağından merhaba beklerken küfre (kötü söze) uğrattım.
3. Zamanın hakkâkı (oymacısı) gam yarasından uzunca bir çizgi çekti;
Ne yazık ki hatır yüzüğünü şöhret kaydına uğrattım.
4. Hasret dolu yalvarışı vahşi hayvan yakalayan kement ettim;
O ceylan yavrusunu (sevgiliyi) itaat ettirdim ve ısrara uğrattım.
5. Güzelliğinin gül bahçesinde gezerken bakışım yeni terleyen ayva tüylerine düştü;
Rûm'u (aydınlık yüzünü) seyrederken (bakışımı) Şam diyarına (karanlık tüylere) uğrattım.
6. Benini tarif ederken saçının vasfına (anlatımına) takıldım kaldım;
Yem ümidiyle tabiat kuşumu tuzağa uğrattım.
7. O şûh sevgiliye dalkavukluk edip istek arayarak geldi;
Kâfir rakibi kapı dışarı edip onu kötü bir akıbete uğrattım.
8. Temiz yüzlülerin aldatma dolabına dolaşıp kaldı;
Başı dönmüş gönlü bayramın seyir yerine uğrattım.
9. Gerçi şiirin ödülünü ilk adımda aldım;
(Fakat) irfan meclisinde, ey Hâzık, tabiatımın atını kaleme uğrattım.
بسم الله الرحمن الرحيم
١- اياغ خاطر افزايی مى گلفامه اوغراتدم
دوشه قالقه دل مخمورى بزم جامه اوغراتدم
٢- دل سرگشته يی بر كام بخت منعكس اطوار
لبندن مرحبا جويان ايكن دشنامه اوغراتدم
٣- كشيده قلدى حكاك زمانه شرحهء غمدن
نگين خاطرى حيفا كه قيد نامه اوغراتدم
٤- كمند وحشی گير ايتدم نياز حسرت آميزى
او آهوبچه رام ايلدم ابرامه اوغراتدم
٥- نكه دوشدى خط نوخيزه گلگشت جمالنده
تماشا ايليوب رومى گذار شامه اوغراتدم
٦- ايلشدم وصف گيسوده ايدركن خالنی تعريف
اميد دانه ايتدم مرغ طبعم دامه اوغراتدم
٧- تملق ايليوب كلدى او شوخه كام جويانه
قپو ايتدم رقيب كافرى بدكامه اوغراتدم
٨- طولاشدى قالدى دولاب فريب ساده رويانه
دل سرگشته يی سيرانگه بيرامه اوغراتدم
٩- نخستين خطوه ده آلدم اگرچه اوكدل نظمى
معارف گهده حاذق اسب طبعم خامه اوغراتدم