1. Niçe yıldur sâkî-i sahbâ harîfümdür benüm
Kâ'il-i mey nükte-gûyâ zarîfümdür benüm
2. Varlığımdan perde hûrşîd-i letâfet nûruna
Mâni'-i vuslat bana cism-i kesîfümdür benüm
3. Eylemem bir kimseden havf u recâ ol serv-kad
Hem emîrim hem azîzim hem şerîfümdür benüm
4. Olmazam bir vechile yâr-ı kadîmimden cüdâ
Râh-peymây-ı sürûrum gam redîfümdür benüm
5. Hat-ber-âver dilberin endîşe-i bûsu gibi
Zevk-i nûş-â-nûş hengâm-ı harîfümdür benüm
6. Hân-ı erzâk-ı Hudâ mebsût iken âfâkda
Bu telâşa bâdî tasdîk-i zaîfümdür benüm
7. Bende yokdur iddi'â-yı nazm-ı ter Hâzık gibi
Da'vî-i i'câz iden tab'-ı latîfümdür benüm
1. Nice yıllardır şarap sakisi benim yoldaşımdır;
Şaraba razı olan (şarap sunan), nükte söyleyen benim zarifimdir.
2. Kendi varlığımdan, letafet güneşinin nuruna perde çekilmiştir;
Bana kavuşmaya (vuslata) engel olan benim bu kaba (kesif) cismimdir.
3. O selvi boyludan başka kimseden korkum ve umudum yoktur;
O benim hem emirim, hem azizim, hem şerifimdir.
4. Eski dostumdan hiçbir şekilde ayrı kalamam;
Sevinç yolunda yürüyenim (ama) gam da benim arkamdan gelenimdir (redifimdir).
5. Ayva tüyleri yeni terlemiş dilberi öpme düşüncesi gibi;
Peş peşe şarap içme zevki benim sonbahar (harîf) vaktimdir (veya dostluk zamanımdır).
6. Allah'ın rızık sofrası ufuklarda serilmişken;
Bu telaşıma sebep, benim inancımdaki zayıflıktır.
7. Ey Hâzık, bende taze (yeni) şiirler söyleme iddiası yoktur;
Mucize davasında bulunan benim latif tabiatımdır.
بسم الله الرحمن الرحيم
١- نیجه ییلدر ساقی صهبا حریفمدر بنم
قايل می نکته كویا ظریفمدر بنم
٢- وارلغمدن پرده خورشید لطافت نورینه
مانع وصلت بکا جسم کثیفمدر بنم
٣- ایلمم برکمسه دن خوف ورجا اول سروقد
هم امیرم هم عزیزم هم شریفمدر بنم
٤- اولمزم بر وجهله یار قدیممدن جدا
راه پیمای سرورم غم ردیفمدر بنم
٥- خط برآور دلبرک اندیشه بوس کبی
ذوق نوشانوش هنگام خریفمدر بنم
٦- خوان ارزاق خدا مبسوط ایکن آفاقده
بو تلاشه بادی تصدیق ضعیفمدر بنم
٧- بنده یوقدر ادعای نظم تر حاذق کبی
دعوی اعجاز ایدن طبع لطیفمدر بنم