1. Karârum yok tekâpû itmeden bâd-ı vezân oldum
Yine sevdâ-perest-i bir meh-i nâ-mihribân oldum
2. Sarardum bîm-i firkatden vücûdum lerze-nâk oldı
Gülistân-ı mahabbetde hemân berg-i hazân oldum
3. Edâ itdim yolunda hıdmet-i ebr-i güher-pâşı
Sirişkimle reh-i cânâniye gevher-feşân oldum
4. El aldum merkez-i dâire-i pergâr-ı 'işretden
Bu şeb meyhânede ser-halka-i bâde-keşân oldum
5. Cihâna mû-be-mû esrâr-ı 'aşkı eyledim ifşâ
Lisân-ı gayba Hâfız gibi Hâzık tercümân oldum
1. Koşuşturmaktan (çabalamaktan) kararım (huzurum) kalmadı, esen rüzgar oldum;
Yine merhametsiz bir aya (güzele) sevda besleyen oldum.
2. Ayrılık korkusundan sarardım, vücudum titrer oldu;
Muhabbet gülbahçesinde tıpkı bir sonbahar yaprağı oldum.
3. Onun yolunda, inci saçan bulutun hizmetini yerine getirdim;
Gözyaşımla cananın yoluna inci saçan oldum.
4. İşret (içki) pergelinin dairesinin merkezinden el aldım;
Bu gece meyhanede şarap içenlerin baş halkası (lideri) oldum.
5. Aşkın sırlarını cihana kılı kılına ifşa ettim;
Ey Hâzık, Hafız gibi gayb lisanına (görünmeyen alemin diline) tercüman oldum.
بسم الله الرحمن الرحيم
١- قرارم يوق تکاپو ایتمدن باد وزان اولدم
ینه سودا پرست بر مه نامهربان اولدم
٢- صاراردم بیم فرقتدن وجودم لرزناك اولدی
گلستان محبتده همان برك خزان اولدم
٣- ادا ایتدم یولنده خدمت ابر گهرپاشی
سرشکمله ره جانانیه كوهر فشان اولدم
٤- ال آلدم مرکز دائره پرکار عشرتدن
بوشب میخانه ده سر حلقه باده کشان اولدم
٥- جهانه موبمو اسرار عشقی ایلدم افشا
لسان غیبه حافظ کبی حاذق ترجمان اولدم