1. Hayâl-i tîğ-i gamzenle bu şeb güft u şenîd itdim
Visâlinden senün ey bî-vefâ kat'-ı ümîd itdim
2. Merâmım kalmadı bu rûzgâr-ı kîne-güsterden
Ne matlab var ise yek-pâre defterden resîd itdim
3. Neşât-ı câm-ı sahbâ-yı sürûra kalmadı rağbet
Bu sevdâyı dil-i mihnet-güzînden ba'îd itdim
4. N'ola lerzân ise mânend-i kâh keh-rübâ-dîde
Bu cismi bîm-i cevrünle misâl-i berg-i bîd itdim
5. Nice feth olmaya kufl-ı der-i gencîne-i maksûd
Şebâne âh-ı âteş-bârdan zerrîn-kilîd itdim
6. Beyâz olmaz mı ey sâkî siyeh-kârî-i ruhsârım
Ser-i jûlîdemi râh-ı mahabbetde sefîd itdim
7. Elimde câm-ı sahbâ dil-rübâyı der-kenâr itdim
Yine Hâzık murâdımca bu şeb 'îd üzre 'îd itdim
1. Bu gece gamzenin kılıcının hayaliyle konuştum, dertleştim;
Senin kavuşmandan, ey vefasız, ümidi kestim.
2. Bu kin güden zamandan bir isteğim (meramım) kalmadı;
Ne maksat (istek) varsa, hepsini defterden temize çektim (hesabını kestim).
3. Sevinç şarabının kadehinin neşesine rağbet kalmadı;
Bu sevdayı, dert seçen gönülden uzaklaştırdım.
4. Kehribarı gören saman çöpü gibi titriyorsam ne olmuş;
Bu bedeni, senin eziyetinin korkusuyla söğüt yaprağı gibi (titrer) ettim.
5. Maksat hazinesinin kapısının kilidi nasıl açılmasın;
Geceleyin ateş yağdıran (âhtan) altından bir anahtar yaptım.
6. Yanağımın siyahlığı (günahkârlığı) beyaz olmaz mı ey sâkî;
Dağınık başımı muhabbet yolunda ağarttım.
7. Elimde şarap kadehi, o gönül alan sevgiliyi kucakladım;
Yine, ey Hâzık, muradıma ererek bu gece bayram üstüne bayram ettim.
بسم الله الرحمن الرحيم
١- خیال تیغ غمزه کله بو شب گفت شنید ایتدم
وصالكدن سنك ای بیوفا قطع امید ایتدم
٢- مرامم قالمـدى بو روزكار كینه كستردن
نه مطلب وار ایسه یکپاره دفتردن رسید ایتدم
٣- نشاط جام صهبای سروره قالمـدى رغبت
بوسودای دل محنت گزینـدن بعید ایتدم
٤- نوله لرزان ایسه مانند کاه کهربا دیده
بو جسم بیم جورکله مثال برك بید ایتدم
٥- نیجه فتح اولمیه قفل در کنجینه مقصود
شبانه آه آتشباردن زرین کلید ایتدم
٦- بیاض اولماز می ای ساقی سیه کاری رخسارم
سر ژولیده می راه محبتده سفید ایتدم
٧- الـمده جام صهبا دلربایی درکنار ایتدم
ینه حاذق مرادمجه بوشب عیدا وزره عید ایتدم