1. Sipihre çıkdı âhum bu dil-i endûh-mendümden
Cüdâ düşdüm dirîğâ sâye-i serv-i bülendümden
2. N'ola zehr-âbe-rîz olsam sipihrün telh-'îşinden
Ayırdı ben dil-efgârı o şûh-ı la'l-kandümden
3. Perîşân olmada eczây-ı hâtır bâd-ı hasretle
Şikest irdi bana ser-rişte-i şîrâze-bendümden
4. Nezâram sayd ider vahşî-nigâh-ı çeşm-i cânânı
Halâs olmaz rem-i âhû girih-bend-i kemendümden
5. N'ola ser-geşte olsam rûzgârun dest-bürdinden
Beni devrân ayırdı bende-perver bir efendümden
6. Gönülde sûzişim çeşmimde nem cismimde dâğımdır
Bana dünyâda ancak yâdigârım şâh-ı levendümden
7. Ne la'l-i yâri bûs itdim ne ser-mest-i müdâm oldum
Usandım hâsılı dünyâda Hâzık kendi kendümden
1. Ahım bu kederli gönlümden gökyüzüne (feleğe) çıktı;
Yazıklar olsun ki o yüce servimin gölgesinden ayrı düştüm.
2. Feleğin bu acı yaşayışından dolayı zehir döksem (kan ağlasam) ne olur?
Ben gönlü yaralıyı, o şeker gibi tatlı kırmızı dudaklı şûhumdan ayırdı.
3. Hasret rüzgarıyla hatırımın (gönlümün) cüzleri perişan olmada;
Bana, kitabımı (hayatımı) bir arada tutan şiraze bağının ipliğinden kopukluk/kırıklık geldi.
4. Nazarım (bakışım), cananın vahşi bakışlı gözünü avlar;
Kaçan ceylan benim kemendimin düğümünden kurtulamaz.
5. Rüzgarın (zamanın/feleğin) hilesinden başı dönmüş olsam ne olur?
Devran beni, kölesini koruyup besleyen bir efendimden ayırdı.
6. Gönülde yanışım, gözümde yaş, bedenimde yaramdır;
Bana dünyada o boylu poslu levend şahımdan ancak (bunlar) yadigârdır.
7. Ne yârin la'l (kırmızı) dudağını öptüm, ne de şarapla hep sarhoş oldum;
Kısacası ey Hâzık, ben dünyada kendi kendimden usandım.
بسم الله الرحمن الرحيم
١- سپهره چیقدی آهم بو دل اندوهمندمدن
جدا دوشدم دریغا سایۀ سرو بلندمدن
٢- نوله زهرابه ریز اولسم سپهرك تلخ عیشندن
آیردی بن دلافکاری او شوخ لعل قندمدن
٣- پریشان اولمده اجزای خاطر باد حسرتله
شکست ایردی بکا سررشتۀ شیرازه بندمدن
٤- نظارم صید ایدر وحشی نگاه چشم جانانی
خلاص اولمز رم آهو گرهبند کمندمدن
٥- نوله سرگشته اولسم روزکارك دستبردندن
بنی دوران آیردی بنده پرور بر افندمدن
٦- کوکلده سوزشم چشممده نم جسممده داغمدر
بکا دنیاده آنجق یادکارم شاه لوندمدن
٧- نه لعل یاری بوس ایتدم نه سرمست مدام اولدم
اوصاندم حاصلی دنیاده حاذق کند کندمدن