بسم الله الرحمن الرحيم
1. Hânemizde teng ü tenhâ o yâr bu
şeb
Dîde-i bahtımız oldı hele bîdâr bu şeb
2.
Kalb-i ârif gibi hâlî idi derûn-ı hâne
Bezmimizde yoğ idi sıklet-i ağyâr bu şeb
3.
Leyle-i Kadr idiken gün gibi rûşen-ter idi
Oldı dîde-i ter garka-i envâr bu şeb
4.
Etdim ahvâlimi dil râzımı bir bir takrîr
Âşikâr oldı nihânî olan esrâr bu şeb
5.
Biri mînâ biri Hâzık birisi duhter-i rez
Bezmimizde üç perî oldı kadehkâr bu şeb
1. Bu gece o sevgili evimizde bizimle
yapayalnız (baş başa);
Şansımızın gözü bu gece sonunda uyandı (açıldı).
2.
Evin içi arif bir kişinin kalbi gibi (kötülüklerden) arınmış ve
boştu;
Bu gece meclisimizde yabancıların verdiği sıkıntı yoktu.
3.
(Bu gece) Kadir Gecesi olduğu halde günden daha aydınlıktı;
Yaşlı gözlerim bu gece nurlara boğuldu.
4.
Hallerimi, gönül sırrımı bir bir anlattım;
Gizli olan sırlar bu gece açığa çıktı.
5.
Biri şarap şişesi, biri Hâzık (şairin kendisi), biri de üzüm kızı
(şarap);
Bu gece meclisimizde üç güzel, kadeh sunan saki oldu.
بسم الله الرحمن الرحيم
۱- خانهمزده تنك وتنها او يار بوشب
ديدۀ بختمز اولدي هله بيدار بوشب
۲-
قلب عارف كبي خاليدي درون خانه
بزممزده يوغيدي ثقلت اغيار بوشب
۳-
ليلة قدر ايديكن كون كبي روشن ترايدي
اولدي ديدۀ تر غرقۀ انوار بوشب
٤-
ايتدم احوالمي دل رازمی بر بر تقرير
آشكار اولدي نهاني اولان اسرار بوشب
٥-
بري مينا بري حاذق بريسي دختر رز
بزممزده اوچ پري اولدي قدحكار بوشب